தேவையானவை:
- காய்ந்த மிளகாய் 10,
- கடுகு ஒரு டீஸ்பூன்,
- உளுத்தம்பருப்பு அரை கப்,
- கடலைப்பருப்பு அரை கப்,
- பெருங்காயம் சிறிதளவு,
- எள் கால் கப்,
- உப்பு தேவையான அளவு.
செய்முறை: உளுத்தம்பருப்பு, கடலைப்பருப்பு, பெருங்காயம், காய்ந்த மிளகாய் ஆகியவற்றை சிறிது எண்ணெய் விட்டு வறுத்துக்கொள்ளவும். எள்ளை ஊற வைத்து, தோல் போக தேய்த்து வெறும் வாணலியில் வறுக்கவும். வறுத்த பொருள்களோடு உப்பு சேர்த்து நறநறப்பாக அரைக்கவும். இட்லி, தோசைக்குத் தொட்டுக் கொள்ள சுவையாகவும், மணமாகவும் இருக்கும்.
