தேவையானவை:
- பீட்ரூட் (சிறியது) 1,
- பெரிய வெங்காயம் பாதி,
- பச்சை மிளகாய் 4,
- தயிர் ஒரு கப்,
- தேங்காய் துருவல் ஒரு டேபிள்ஸ்பூன்,
- கடுகு,
- உளுத்தம்பருப்பு,
- கறிவேப்பிலை,
- மல்லித்தழை எல்லாம் தலா சிறிதளவு,
- உப்பு திட்டமாக,
- எண்ணெய் 2 டேபிள்ஸ்பூன்.
செய்முறை: பீட்ரூட்டைச் சுத்தம் செய்து தோல் நீக்கி துருவவும். வெங்காயத்தை சன்னமாகவும், பச்சை மிளகாயை நீளமாகவும் நறுக்கிக் கொள்ளவும். வாணலியில் தாளிதம் போட்டு வெங்காயம், பச்சை மிளகாயை வதக்கி, பீட்ரூட்டின் மேல் போட்டு உப்பு, தேங்காய்ப்பூ சேர்த்துக் கலக்கவும். தேவையான சமயத்தில் தயிர் கலந்து, பொடியாக நறுக்கிய மல்லித்தழை சேர்க்கவும்.