தேவையானவை:
- சேமியா அரை கப்,
- உருளைக்கிழங்கு 2,
- கேரட் 1, பீட்ரூட் 1,
- பட்டாணி கால் கப்,
- பெரிய வெங்காயம் 1,
- பச்சை மிளகாய் 3,
- இஞ்சி 1 துண்டு,
- புதினா சிறிதளவு,
- மல்லித்தழை சிறிதளவு,
- மைதா அரை கப்,
- பிரெட் தூள் 1 கப்,
- மிளகுத்தூள் 1 டீஸ்பூன்,
- கரம் மசாலா தூள் 1 டீஸ்பூன்,
- உப்பு ருசிக்கு, எண்ணெய் பொரிக்க.
செய்முறை: சேமியாவை 3 கப் கொதிக்கும் நீரில் போட்டு, நன்கு வேக விட்டு வடியுங்கள். உருளைக்கிழங்கை வேக வைத்து தோலுரித்து மசித்துக்கொள்ளுங்கள். 2 டீஸ்பூன் எண்ணெயைக் காய வைத்து பொடியாக நறுக்கிய வெங்காயம், பச்சை மிளகாய், இஞ்சி, புதினா, மல்லித்தழையைச் சேர்த்து 3 நிமிடம் வதக்குங்கள். பின்னர் துருவிய கேரட், பீட்ரூட்டையும், பட்டாணியையும் சேர்த்து மேலும் 3 நிமிடம் வதக்கி மசித்த உருளைக்கிழங்கு, சேமியா, கரம் மசாலா சேர்த்து நன்கு கலந்து கிளறி இறக்குங்கள். இக்கலவையை வேண்டிய வடிவத்தில் செய்து 1 கப் தண்ணீரில் கரைத்த மைதாவில் நனைத்தெடுத்து, பிரெட் தூளில் புரட்டி காயும் எண்ணெயில் பொரியுங்கள். சூடாக சாஸ§டன் பரிமாறுங்கள்.
